英超近年新星辈出，不过由前爱华顿球星占士禾汉喺2005年创下嘅英超最年轻入波纪录，至今仍然未有人打破。依家33岁嘅占士禾汉，日前正式获英乙球队灿美尔委任为总监，继续佢嘅神奇足球之旅。

2005年4月，只得16岁271日嘅占士禾汉为爱华顿处子上阵，并且攻破水晶宫大门，令佢超越占士米拿成为英超最年轻入球者，纪录到依家都未被打破，不过呢位前锋之後受到伤患困扰愈踢愈沉，上年喺灿美尔约满後宣布挂靴。

占士禾汉球员生涯高开低走，不过佢非常努力，最近完成体育管理学硕士课程後，立即获灿美尔聘请做球会体育总监，占士禾汉表示：「我效力灿美尔2年，同主席倾过之後，好兴奋可以成为球队未来计划一部份。」灿美尔目前排英乙榜首，大有机会升上英甲。