设波体网为首页 收藏本站  
网站首页 媒体合作 广告联系 人才招聘 网站地图 在线咨询
中超|国足|英超|意甲|西甲|德甲|女足|网球|台球|田径|武术搏击|NBA|国奥|中甲|足协杯|CBA|海外|羽毛球|乒乓|体操|射击
您当前位置:波体网 >> 足球 >> 国际足球 >> 英超

被毁电话自闭童母亲:C朗袭击我个仔!

2022/4/11 16:33:15  来源:波体网  浏览:

周六(9日)晚曼联0比1不敌爱华顿,C朗整烂球迷电话一事继续发酵。据英国传媒报道,原来嗰位球迷系一位患有自闭症嘅14岁男童,仲要第一次入场睇波,竟然遭遇咁嘅对待,佢妈妈喺社交媒体上大呻「C朗袭击我个仔!」同时当地警方称已接获通知,将就事件展开调查,睇嚟C朗有排烦。

虽然C朗事後已经喺社交媒体上道歉,仲话想请番嗰位球迷睇波,但睇嚟暂时未能够阻止事件继续发展。据《利物浦回声报》报道,原来当时被C朗拍烂电话嘅球迷系一位患有自闭症同过度活跃嘅14岁男孩,佢妈妈Sarah Kelly喺社交媒体上控诉:「当时曼联球员步行返更衣室,我哋喺球员通道隔篱嘅看台,所以Jake(男孩名字)就去影佢哋。佢所有球员都有影,因为C朗嘅小腿流紧血,当时佢拉低只袜,我个仔影佢只脚,但一句声都冇出。点知C朗就好气冲冲咁一嘢打落我个仔只手同部电话度,然後就离去。」

据Sarah透露,当时Jake只手畀C朗打到瘀肿,而成部电话更加报销,「我好震惊!Jake都系,佢本身有自闭症,所以直到返屋企先消化到发生嘅事。佢对事件感到好不安,直情令佢以後唔想再入球场!」

默西赛德郡警方据悉已收到一位球员被指袭击一名男孩嘅消息,正联络曼联同爱华顿会方展开调查,睇嚟C朗喺呢件事上会有大把手尾跟。

声明:本网资讯仅供体育爱好者浏览中国足彩参考之用。任何人不得用于非法用途,否则责任自负。本网所登载广告均为广告客户的个人意见及表达方式,和本网无任何 关系。

链接的广告不得违反国家法律规定,如有违者,本网有权随时予以删除,并保留与有关部门合作追究的权利。

广告联系QQ:2209328090 ,邮箱:2209328090@qq.com