国际足协周二(20日)公布最新一期世界排名，新鲜出炉世盃冠军阿根廷只系排第2位，仍然落後「1哥」巴西，而亚军法国则由第4名升上第3名。

阿根廷虽然捧走世盃冠军，不过国际足协嘅世界排名系由积分决定，由於阿根廷只系靠互射12码赢波，所获得嘅积分比起90分钟内赢波大大减少，所以未能超越「1哥」巴西。法国亦有第4升上第3，分组赛出局嘅比利时系前列之中跌得最惨嗰队，由本来第2位滑落至第4位，第5嘅英格兰就维持不变。

几支喺世盃有好表现嘅球队都有得升，摩洛哥由22位急升至11位，日本就由24位升上20位。