英联盃第4圈仲有场英超内讧，般尼茅夫喺主场迎战利物浦。红军对英联盃不嬲唔太上心，经常收起主力，畀副选同新人上阵拎嚟练兵，夹得少默契麻麻，难免会比较慢热，1.5球嘅半场细更可取。（周四凌晨3时45分开赛）

利物浦主帅高普一向对英联盃兴趣不大，经常会大轮换，派出大量副选或新人担正，以上圈斗李斯特城为例，王牌穆罕默德沙拿连後备都冇份，用咗基利靴、远藤航、查洛尔昆沙、杜克等，而後备落场嘅亦包括有巴斯迪、卢克张伯伦等小将。

一嚟畀班主力抖抖，二嚟既然唔重视英联盃，就畀班副选同新人有上阵机会，走得几远得几远，希望收到练兵效果，但由於班球员默契一般，初段总系入局慢，难怪近6仗英联盃5次半场开1球或以下。

另边厢，般茅日前护级大战反胜劲敌般尼，取得宝贵3分，不过搏得好尽未回气，加上护级大过天，今仗随时收起主力唔慌会搏。睇番般茅近4仗英联盃，半场全开1球或以下，都系比较慢热，相信今仗初段会陷於胶着，半场细值得捧场。

文章关键字：英超利物浦李斯特城主帅