另一场欧国盃C组尾场生死战，丹麦硬撼塞尔维亚。塞尔维亚为出线今场非胜不可，但焗攻反而益晒擅打反击嘅丹麦，加上近年交手食住塞军，让球盘丹麦让平半冇有怕，一於捧上盘。 

首先讲讲C组形势，丹麦依家与斯洛文尼亚同得2分，落後榜首英格兰2分，塞尔维亚只得1分包尾。虽然形势紧凑，但塞尔维亚系最蚀底，如果今仗打和累积得2分，要争4支最佳第3名嘅机会非常渺茫，因此今仗必须赢波，手握4分仲有价讲，不过塞军最叻嗰瓣高空轰炸，今届都发挥唔到，头两轮入得1粒，尤其系上轮对住「兄弟兵」斯洛文尼亚，要去到补时先靠後备入替嘅卢卡祖域追成1比1，杜辛华荷域、阿历山大米祖域等前锋都忘带射门鞋，火力欠锐仲要强攻，不宜高估。

另边厢，丹麦头两轮都系打和1比1，不过从上场对英格兰可见，丹麦早早落後下未有惧色，更加压住「三狮兵团」嚟攻，最终只系打和有啲唔抵，但反映出佢哋表现唔差。相比起首次以塞尔维亚名义出战欧国盃嘅对手，丹麦经验丰富得多，呢支北欧球队上届更杀入4强，何况双方近3次交手，丹麦全部赢晒之余，都至少赢两球，摆明格食格，上盘咪错过。