曼联喺曼市打吡惨败，缺阵嘅C朗拿度依然系讨论焦点，名宿班尼斯认为，C朗今季入球量下降，全因为班队友帮唔到佢，仲话如果C朗当日去曼城，依家已经入咗25球。

C朗重返曼联初期，头11场入9球，当时仲系苏斯克查执教，但最近换咗兰历克做领队，佢嘅入球量急降，近10场入得1球，现时上阵30场入15球，班尼斯认为系配合问题。

「对於一个37岁嘅球员嚟讲，C朗嘅入球量其实已经唔错，但我想如果佢去曼城，佢依家可能已经入咗25球，因为佢喺该队更容易得到优秀球员嘅帮助，曼城球员有足够视野同技术畀佢入波，曼联某啲球员欠缺嗰种视野同技术。」

「有另一种讲法，系话C朗嘅身体质素已经唔似4、5年前，但我想令佢沮丧嘅可能系，佢喺曼联并未得到过去习惯嘅支援。」