西班牙传媒报道，车路士中坚安达斯基斯坦臣已经同意今夏加盟巴塞隆拿，呢位丹麦国脚周一(7日)完成体测，预计日内就会正式签署5年合约，年薪约600万欧元。

安达斯基斯坦臣同车路士合约季尾完结，佢可以自由同任何英超以外球会签约，西班牙《每日体育报》报道，安达斯基斯坦臣已经通过体测，只等待正或签约同文件处理就可以正式公布。据报巴塞隆拿开出嘅600万欧元年薪，车路士可以轻易睇齐，不过呢位25岁球星就希望寻求新发展。

据报巴塞隆拿仲想打另一车路士守将艾斯派古达主意，呢位西班牙老将同车仔合约同样去到季尾完结，有望以自由身重返西甲。