上场英超「曼市打吡」报称因伤缺阵嘅曼联球星C朗，周二（8日）正式重投球队训练，甚至练到最後一个先离开训练场，睇嚟身体并冇太大问题。

据英国媒体报道，C朗周一（7日）晚已经由葡萄牙返到曼彻斯特，然後第二日就马上重投球队训练，并且好晏先离开训练场，属於训练时间最长嘅一个，睇落身体冇咩大问题，唔似啱啱经历完受伤。

曼联上场联赛硬撼曼城，首席射手C朗连後备都冇，赛後兰历克表示队医话畀佢知，C朗因伤无法出战，并且唔知佢几时先可以复出。

不过有消息指C朗身体其实冇任何问题，只系因为呢位葡萄牙球星不满兰历克想用保守战术，安排自己坐後备，所以诈伤缺阵，而呢个社交网站帖子连C朗家姐都有赞好。红魔鬼下场联赛将会对阵热刺，为保持争前4机会，今场不容再失。

文章关键字：热刺曼城曼联英超