车路士上场英超以4比0大胜般尼，但亦付出沉重代价，该仗射入1球嘅右翼衞列斯占士受伤，经过详细检查之後，发现佢右脚腿筋受伤，预料需要休息2星期，将缺阵4场比赛。

列斯占士早前曾经因伤缺阵2个月，直至2月底先至复出，估唔到踢咗3场波後又受伤，幸好今次伤势比较轻，预料抖2星期就可以复出，但仍然会缺阵车路士未来4场比赛，包括英超对诺域治、纽卡素、欧联对里尔、英足盃对米杜士堡。

列斯占士喺社交网话：「保持耐性系关键，万事皆有因，好快同你哋见面。」22岁嘅列斯占士以助攻力强见称，今季为车路士喺各项赛事上阵26场，射入6球，佢养伤之下，领队杜曹一定好头痛。

另外，列斯占士亦唔会为英格兰出战3月底热身赛对瑞士及科特迪瓦。

文章关键字：英超