车路士遭制裁，球队面临解散，消息指今季回归未能踢出水准嘅卢卡古，近日向前国米队友探路，准备「跳车」，希望搵途径重返国际米兰，即使减薪都肯制。

意大利《足球市场》报道，卢卡古今季回归车路士，上阵32场仅入11球，同佢对上两季喺国米，两季入球30+相距甚远，而且佢喺车仔已失去正选席位，早前更同意大利传媒话踢得唔开心。

消息指，卢卡古近日联络国米嘅前队友，表达自己想返国米嘅意愿，虽然佢喺车仔人工甚高，但只要能够返国米，佢愿意大幅降薪至国米能够承受水平。

报道指，「渣古」想跳车唔系冇可能，原来车路士当日向国米收购卢卡古嘅尾数仲未找清，依家被制裁後冇得过数，依家国米反建议，向车仔借用卢卡古两季，之後先买断，以此解决转会费嘅问题。

文章关键字：米兰