已经沦为曼联弃将嘅拉舒福特，最近逃离曼彻斯特飞去杜拜渡假，并去咗睇场拳赛放松一下，仲遇上美国前次中量级拳王闲谈几句，一於抛开足球事，乜都唔谂。

拉舒福特最近麻烦事多多，被指欧联出局後离开球场时挑衅球迷，失去唔少支持者，加上英格兰国家队公布大军名单又落选，处於低迷状态，因此拣左去杜拜渡假，期中更遇上了啱啱打赢比赛嘅美国拳手保格拉斯，彼此更闲谈了几句，仲叫对方跟随佢嘅社交平台。

呢位慈善球星去年获英国政府颁授MBE，以表掦佢为国内有需要嘅儿童得到温饱，但最近佢喺球场对球迷举中指，形象减分，即使其後自己发文解释，但已难以重拾民心。

家阵「福仔」已经喺曼联出售名单嘅大热，睇嚟佢要为自己就快「脱魔」准备一下。

文章关键字：曼联