周一(21日)凌晨西甲将上演「国家打吡」，皇家马德里主场斗巴塞隆拿，曾经8次夺得MotoGP电单车世界冠军嘅西班牙车手马昆斯都有留意，并分享对今场波嘅睇法。

马昆斯被问到双方边位球员比较适合揸电单车，佢认为身材比较矮小嘅球员比较好，例如巴塞前锋安素法迪、皇马中场莫迪历，至於巴塞中坚碧基呢种高大球员，就唔太适合。

至於马昆斯认为如果自己转型踢波，最想踢右翼或者右闸，因为自己比较锺意跑。讲到预测今场大战赛果，马昆斯话比较锺意巴塞，但考虑到两军势均力敌，似会打和，最终应该会踢成1比1。