欧联出局再加落选国家队名单，曼联门将迪基亚连番打击下再度萌生离队念头，英国传媒报道，迪基亚为争取重返西班牙世盃大军，考虑今季後离队，曼联已有准备，正物色替代人选。

英国《每日邮报》报道，曼联今季成绩不济，但迪基亚表现出色，多场赛事作出「神救」，但好表现未能打动西班牙主帅安历基，最新一轮点兵名单继续落选，而迪基亚对上一次入选，已经系去年10月嘅欧国联。

迪基亚早前喺欧联出局後，曾发表言论称非常失望，佢当时话：「我好失望，好难用言语嚟表达感受，两回合赛事我哋都做得唔好，对手经验丰富，佢哋知道点样应付欧联赛事，入咗波之後我哋再难翻身，我哋力拚到最後，但都仲未够。」

唔知迪基亚系咪一时谂唔开，报道指曼联已经物色替代人选，除咗现有嘅甸恩轩达臣，仲睇中西维尔门将耶辛尼保奴，一旦迪基亚离队，就会出手签呢个门将顶替。

文章关键字：曼联