据法国传媒报道，巴黎圣日耳门巨星基利安麦巴比拒绝为法国国家队出席一啲商业活动，就连法国足总主席出面游说都冇面畀，咁样令到麦巴比同足总嘅关系转差。有传媒推测，系因为麦巴比认为帮某啲品牌宣传，将影响佢嘅个人形象。

有报道指，基利安麦巴比近日获法国队徵召时，因拒绝为球队出席部份商业活动而引发争议。据悉，就连法国足总主席利格列出面游说佢，麦巴比都冇面畀。有传媒推测，麦巴比拒绝嘅原因系因为，球员代表相信某部份品牌宣传将影响麦巴比嘅道德形象，因此佢唔想自己同呢啲牌子扯上关系；亦有指系因为麦巴比最近烦紧个人前途问题，近来喺PSG又遭遇连番失利，因此想减低曝光率，避免遭媒体同球迷批评。

法国喺呢次国际赛期内将进行两场友赛，周六（26日）先对科特迪瓦，下周三（30日）再对南非。

文章关键字：国足