老牌射手迪科尔1月份，决定提前同苏超劲旅格拉斯哥流浪解约，重返英甲球队新特兰，并签约至季尾。不过据英国《太阳报》报道，依名39岁老将正计划喺未来几日宣布退役，结束自己22年嘅职业生涯。

迪科尔2000/01球季喺韦斯咸正式出道，之後效力过般利茅夫、热刺同朴茨茅夫，2014年转投美职FC多伦多，不过踢咗短短一季就回流加盟新特兰，之後踢过般尼茅夫、格拉斯哥流浪，最终今年决定重返「黑猫」，帮球队争升班。迪科尔累积喺英超出场496次，录得163入球、29助攻，成为英超史上入球第9多球员。另外佢亦曾经为英格兰国家队上阵57次，射入20球，绝对系近代最佳嘅本土射手之一。

重返新特兰之後，迪科尔暂时喺英甲上阵7次，不过全部都系後备上阵，并未取得入球。新特兰暂时仲未锁定升班附加赛资格，未知迪科尔会唔会踢埋今季，但相信依位39岁前锋嘅职业生涯已经踏入尾声。

文章关键字：热刺太阳退役英超