从来只有球员被球会贬为後备，估唔到艾宁夏兰特竟然可以将角色主副对调，西班牙传媒报道，夏兰特近日拒绝曼城周薪50万镑嘅顶薪条件，因为佢只视曼城为後备，皇马先系佢正选球会！

报道指，夏兰特嘅去留最快於4月揭盅，虽然曼城付出足够诚意，最先开出条件，并已向多蒙特承诺支付7500万欧元违约金，但夏兰特仍然希望睇定啲先，西班牙《阿斯报》报道，夏兰特正等待皇马决定，佢优先选择嘅球会系皇马，曼城只系後备。

夏兰特嘅转会条件非常辣，先要畀7500万欧元违约金，仲要畀1亿欧元佣金，由经理人拉奥拿及夏兰特父亲摊分，跟住再向夏兰特支付丰厚薪酬，报道指，巴塞隆拿已退出竞争，现仅余下皇马与曼城争夺，而皇马处於领先位置。

文章关键字：皇马曼城