早前传出巴塞隆拿有意签入拜仁波兰前锋罗拔利云度夫斯基，各方反应都认为系吹水消息，可能性不大，不过几日後意大利同西班牙传媒共同报道，巴塞为「罗拔佬」报价5000万欧元，而且同球员已达成一致。

报道指，拜仁曾经向「罗拔佬」开出续约条件，但因条件不合告吹，此後拜仁方面一直未有作进一步行动，33岁嘅「罗拔佬」认为自己喺拜仁嘅日子已告一段落，於是委托经理人与其他球会接触，最初搵过皇马但冇下文，近期搵到巴塞，对方立即有回应。

西班牙《每日体育报》及意大利《意大利体育报》指出，巴塞与「罗拔佬」火速达成个人协议，之後就交由巴塞同拜仁两间球会之间交涉，巴塞愿意支付5000万欧元，并可加码至6000万欧元，现时「罗拔佬」市场估价为5500万欧元，同市价大致接近，呢单吹水消息愈讲愈似喎。

文章关键字：皇马拜仁