葡萄牙周二深夜将会主场迎战北马其顿，为争世盃决赛周入场券，喺呢场欧洲区附加赛前佢哋就收到一个好消息，就系早排确诊嘅星级後衞比比可以回归，无疑喺加大咗佢哋嘅胜数，搞到C朗兴奋咁话：「王者归来！」

作为C朗嘅老友兼队友嘅比比，最近感染咗新冠肺炎，上仗葡萄牙对土耳其嘅世盃外就踢唔到，好彩球队最後赢3比1，只要呢场对过埋北马其顿呢关，就可以登上世盃决赛周列车，比比嘅回归对葡萄牙後防的确帮助好大。

C朗拿度对於比比归队相当激动，喺训练个队佢见到呢位老队友，即刻大声嗌爆:「王者归来！比比返嚟啦，你哋要小心！」佢哋仲嚟个拥抱，队内士气高涨，全力为呢场生死战做好准备。