热刺近期成绩反弹，哈利卡尼同孙兴民呢对前锋组合嘅状态系主要原因，两人嘅合作已被誉为英超最强组合，哈利卡尼日前接受法国《Canal+》访开，直指自己同孙兴民关系「超友谊」，好到连自己老婆都有啲呷醋！

哈利卡尼受访嗰阵，被问到同孙兴民场外关系：「我依家同孙兴民一齐嘅时间，比起同老婆更长，佢(老婆)依家未有畀说话我听，但可能好快就会呷醋。我同孙兴民喺球场以外关系非常好，呢一点喺球场上面系可以反映出嚟。」

自从2015年开始合作，哈利卡尼同孙兴民已经互相助攻炮制40个英超入球，超越杜奥巴同林柏特嘅36球，成为英超史上最佳进攻组合。