今届欧联决赛上演2018年翻版，皇马对利物浦，当年皇马赢3比1，呢支西甲劲旅过去7次打入欧联决赛，都成功捧盃，莫非今届又击败红军？

翻查往绩，皇马入到欧联决赛，夺冠率非常高，16次晋身决赛有13次捧盃，包括过去7次(1998、2000、02、14、16、17及18年)都成为盟主，今届再遇手下败将利物浦，「银河舰队」自然被睇高一线。

不过，要留意皇马对上1次入欧联决赛输波，就系1981年0比1不敌利物浦，咁啱当年决赛同今届一样都喺巴黎举行。

最耐人寻味系今届决赛原本安排喺俄罗斯圣彼得堡举行，但因为俄罗斯入侵乌克兰，欧洲足协临时更改地点，移师到法国巴黎举行，唔通天意注定利物浦可以重演41年前好戏？

文章关键字：皇马罗斯西甲利物浦足协