今晚意甲国际米兰主场斗安玻里，第2位嘅国米落後榜首AC米兰两分，为追赶对手，今仗全取3分够晒决心。佢哋近8次对安玻里，6次上半场就领先，不妨再追半场主胜。（Now 638周六凌晨零时45分直播）

国米近7场比赛赢咗6场，包括意大利盃4强次回合大炒A米3蛋，晋级决赛将同祖云达斯争冠。佢哋依家可以专注番联赛争标，先求做好本份争取赢晒剩番3场。

安玻里风流波欠决心

国米属今季意甲入波最多嘅球队，箭头拿达路马天尼斯脚风甚顺，上仗联赛又入一粒，协助球队以2比1击败乌甸尼斯，呢位阿根廷国脚近10次上阵射入9球，有佢在阵国米可望迅速攻破安玻里防线。

安玻里已经远离降班区，抢分压力大减下，争胜决心成疑，加上近9场联赛作客不胜，其中近5场作客输咗4场，包括以1比4大败畀实力平庸嘅乌甸尼斯脚下，今仗遇上攻力强劲嘅国米，恐怕上半场都顶唔住，半场主胜放心捧场。

文章关键字：米兰意甲