C朗今季回巢曼联，主要因为费格逊铺桥搭路，一季过去，现时曼联处於换帅交接期，尚余1年合约嘅C朗去留存疑，英国传媒报道，近日费格逊曾与C朗面谈，讨论去留问题，费爵爷力劝C朗留队。

C朗同费格逊住得好近，同在柴郡，近日费格逊喺家中举办私人聚会，邀请爱徒C朗出席，席上费Sir希望C朗至少再效力曼联多1年，以扞衞佢喺梦剧场嘅传奇地位。

曼联已经无缘来季欧联，极其量只能踢欧霸，喺英超亦肯定唔够曼城、利物浦、车路士打，C朗喺曼联已经浪费1年，会否再花1年帮曼联重建，要佢自己谂清楚。

除咗力劝C朗留队，费爵爷近日亦亲自致电候任主帅坦哈格，祝贺对方即将成为曼联新帅，坦哈格亦把握机会，喺电话中询问费Sir大量关於曼联嘅问题，但曼联嘅问题一言难尽，相信费Sir嘅回覆都系答咗等於冇答。

文章关键字：利物浦曼城曼联英超