哥迪奥拿日前突然爆出全英国都支持利物浦言论，绝对唔系乱讲，跟随佢多年嘅传媒披露，哥帅一直有个twitter秘密帐号，作用系监察网民言论，呢种做法由执教巴塞隆拿时代已经开始。

多间传媒报道，哥迪奥拿对於网上评论同各种批评非常敏感，多年前已经开咗个twitter「小号」，用嚟斋睇网民反应同评论，特别系针对自己嘅留言，接收不同资讯。

正因为佢知道外间情况，所以当曼城大胜纽卡素5比0後，便指出全英国都支持利物浦，由球迷都传媒都系咁。

当日赛後记者会，有传媒提问曼城在欧联出局後能5比0大胜纽卡素，系咪觉得好开心，哥帅反问：「你有疑问？你系利物浦球迷？」该记者回答自己支持曼联，哥帅就回答：「很抱歉！」