曼联今季成绩惨淡，球队已经将注意大放喺下季身上，其中C朗拿度嘅去留都系焦点之一，而日前网上流出一辑曼联下季波衫宣传图，当中C朗更「全包」主场、作客同第2作客波衫广告，预示呢位葡萄牙球星极可能会喺下季继续留队。

网站《The United Stand》日前发布多张未公开嘅曼联新波衫宣传图，主场嘅红色波衫系以98/99球季「三冠王」嘅款式作为灵感，作客同第2作客波衫就会用白色同黄色，不过款式都系其次，最大话题系海报入面嘅人物，流出图片中「有份」参与嘅包括般奴费南迪斯、艾兰加、查顿辛祖等重建主力，而C朗就分别为3件波衫拍摄宣传照，相反保罗普巴、拉舒福特等就未见影纵。

C朗日前喺曼联官网亦对新帅坦哈格发表意见，表明「我哋」明年会捧盃：「我希望坦哈格取得成功，因为佢成功就代表曼联成功，球员同球迷都好兴奋，我相信明年我哋会赢得冠军。」

文章关键字：曼联