威尔斯国脚加里夫巴利今夏约满皇家马德里後，以自由身加盟美职FC洛杉矶，周二(12日)喺美国出席加盟发布会，呢位32岁球星否认世界盃後退休传闻，扬言希望喺FC洛杉矶长时间效力，目标系踢埋2026年世界盃！

加里夫巴利今次同FC洛杉矶签约12个月，有球迷估计佢只系为年底世界盃决赛周做准备，可能约满後就挂靴，不过加里夫巴利喺发布会表示：「美职呢10年发展好快，依家已经冇人视佢哋为『养老联赛』，我加盟FC洛杉矶唔休谂住踢半年或1年，而系愈耐愈好，我想喺美职创造历史，呢个唔系一朝一夕做到。」

一直以威尔斯国家队为优先考虑嘅加里夫巴利，透露佢嘅目标系2026年世界盃：「喺美职比赛令我有更大机会继续踢国家队，包括下届欧国盃(2024年)，甚至可以再踢多届(2026世界盃)。」