西甲劲旅西维尔正喺南韩集训，星期六(16日)会同热刺踢热身赛，球队连日接受教练卢比迪古特训，亦有时间参观同学习南韩文化，其中捷西斯拿华斯同马高斯阿古拿，就跟女网红Lucy Paradise上咗堂韩文速成班。

喺塞维利亚出世嘅Lucy Paradise，细细个已经情迷亚洲音乐，锺情K-Pop嘅佢更加嚟到南韩生活，呢位网红今次趁西维尔光临，就同捷西斯拿华斯、马高斯阿古拿见面教授韩文，教佢哋用韩文讲「哈佬」同「爱你」之外，亦教两球星用韩文写自己个名，相当有趣。

西维尔呢几日亦获唔少红星支持，好似「大叔」Psy、女团MAMAMOO等等，一众球员又走去学跳K-pop，节目相当丰富！

文章关键字：热刺西甲