英超劲旅热刺正喺南韩进行季前集训，除咗练波同比赛之外，一众球星亦有出席当地活动，其中最大收获肯定系中坚达云臣山齐士，呢位哥伦比亚国脚日前喺活动中认识《单身即地狱》靓女明星申芝燕後，旋即被发现喺IG狂Like对方嘅相片！

热刺3星达云臣山齐士、基斯甸罗美路同拜仁基尔，日前获邀去北村韩村屋体验南韩文化，佢哋同Netflix真人骚《单身即地狱》2位女星申芝燕、安艺媛着晒传统服饰出席，其中达云臣山齐士更疑似对申芝燕「一见锺情」。

有网民发现，达云臣山齐士近日喺IG狂Like申芝燕嘅多张相片，除咗佢喺活动入面着热刺嘅波衫相外，其他造型相片都一一派Like，不过唔少网民都留言，呼吁申芝燕同热刺嘅南韩球星孙兴民拍拖，达云臣山齐士又真系好难争赢喎。