利物浦今夏继以破球会纪录8,500万镑收购宾菲加前锋达云纽尼斯之後，准备再出手签多1位「纽尼斯」。英国传媒指红军睇中士砵亭中场马菲奥斯纽尼斯，并已经接触呢位23岁葡萄牙国脚嘅代表，有望以3,380万镑将佢收归旗下。

利物浦主帅高普认为球队仍然有需要增兵，提升争逐各大锦标嘅本钱，锋线人脚已经充裕，嚟紧重点将会签入中场。

收购目标马菲奥斯纽尼斯踢法攻守兼备，佢喺上季葡超入3球及2次助攻，平均每场有1.3次拦截。马菲奥斯纽尼斯最擅於长传，佢由後半场长传上前场畀队友嘅成功率高达92%，加上盘球迅速非常快，可以话系1位中场全能战士。

若然利物浦签到马菲奥斯纽尼斯，加上达云纽尼斯，两位「纽尼斯」合作，肯定好有睇头。曼城、巴黎圣日耳门都有兴趣收购马菲奥斯纽尼斯，红军想获得呢位猛将加盟，出手就要快。

文章关键字：利物浦曼城