今个夏天转会市场最大疑团，莫过於巴塞隆拿嘅财政状况，呢支西甲班霸因为负债严重，无论薪酬同注册都受到限制，不过呢间「穷到燶」嘅球会同一时间又不断买球员，连签拉芬夏比洛尼、罗拔利云度夫斯基等球星，连拜仁慕尼黑教练拿高斯文都话：好Crazy！

拜仁慕尼黑王牌罗拔利云度夫斯基被巴塞隆拿挖角，教练拿高斯文表示：「巴塞隆拿系呢个世界上，唯一一间冇钱使，但又可以签晒所有想要球员嘅球会，我唔知道佢哋点样可以做到，但真系好奇怪、好Crazy！」

巴塞隆拿今夏签入自由身嘅基斯尔、安达斯基斯坦臣，又重金收购拉芬夏比洛尼同罗拔利云度夫斯基，早前亦成功续约奥士文尼迪比利，据闻佢哋仲斟紧艾斯派古达同祖利斯古迪，完全唔似财政有问题。

文章关键字：拜仁西甲